Aizian jatetxea 2003an zabaldu zen, zedro gorri eta sukupira listoiekin estalitako hormek zigarro-kutxa itxuraren ematen diote, giro goxo eta dotorea sortuaz.

Melia Bilbao (5*) hotelaren beheko solairuan dago Aizian; Doña Kasilda parkera begira, ikusmira eta kokapen ezin hobearekin, izan ere 200 metrora ditu hala Euskalduna Jauregia (Bilbaoko kongresu jauregia), nola Arte Ederren Museoa. Guggenheim museoa ere bertatik bertara du, bost minutura.

Desgaituentzat egokitutako bi sarrera ditu, bata Doña Kasilda parketik, bestea berriz hotelaren halletik, harrera-lekuaren aurretik.

Hiru jantoki ditu, handienak 70 pertsonentzako tokia dauka eta beste biak txikiagoak dira, pribatuak 20 eta erdi-pribatuak 10 lagunentzako. Edozein dela ere gogoan duzun ospakizun edo ekitaldia, enpresa zein famili bazkariak, ezkontzak, bataio edota jaurnartzeak, Aizian jatetxeak leku aproposa eskaintzen dizu.

Handinahikeriarik gabeko jatetxe moderno hau punta-puntako euskal sukaldaritzaren erakusgarria duzu. 0 Km ezaugarria du gainera, hots, geure bazter-inguruetako produktuekin egiten du lan, Slow Food produktuekin. 

• Gure sukalkintza (euskal sukaldaritza Bizkaian), gure sukaldaritza bloga da.